Татар дөньясы 7 апрель 2019 15:45

Түбән Новгородта "Нижгарбикә-2019" бәйгесе җиңүчеләрен ачыклаячаклар

Конкурста катнашуның төп шарты - авыл җирлегендә яшәү.

Скопировать ссылку

(Казан, 7 апрель, "Татар-информ"). 12 апрель көнне Түбән Новгород өлкәсендә "Нижгарбикә-2019" җиңүчесен ачыклаячаклар. Бу хакта җирле татарларның милли -мәдәни автономиясе хәбәр итә.

Бәйгедә теләге булган һәр хатын-кыз катнаша ала. Төп шарт - ул авыл җирендә яшәргә, 25-50 яшьлек булырга тиеш. Ел саен конкурста ханымнар үзләренең сәләтләрен, осталыкларын күрсәтә, бала тәрбияләү серләре белән бүлешә алачак.

Быелгы "Нижгарбикә" бәйгесе әлеге проектка нигез салучыларның берсе, вакытсыз дөньядан киткән Эльвира Мусина истәлегенә багышланачак.

Бәйгедә Сергач, Пильнин, Краснооктябрьск, Сеченово, Спас районнарыннан катанашучылар көтелә.

#түбән новгород #нижгарбикә

Сәхифәләр

Түбән Новгородта "Нижгарбикә-2019" бәйгесе җиңүчеләрен ачыклаячаклар