Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Новгородта “Ак калфак” хатын-кызлар оешмасы “Аулак өй” уздыра
Программада Зифа Исаевадан милли бизәк белән калфак бизәү буенча мастер класс, Динара Хәлиловадан яулык бәйләү буенча остаханә булачак.
(Казан, 12 сентябрь, "Татар-информ"). Түбән Новгородта татар милли-мәдәни автономиясе каршында эшләп килүче “Ак калфак” хатын-кызлар оешмасы 23 сентябрьдә “Аулак өй” уздыра. Бу хакта Түбән Новгород өлкәсенең милли-мәдәни берләшмәләре сайты хәбәр итә.
Кич утыруда агымдагы елның калган өлешендә үткәреләчәк чаралар турында фикер алышачаклар. Болар арасында фестиваль, театраль куелыш, милли ризыклар пешерү буенча, шулай ук татар артибутлары һәм милли гореф-гадәтләргә кагылышлы мастер-класслар бар.
Чара программасында Зифа Исаевадан милли бизәк белән калфак бизәү буенча мастер класс, Динара Хәлиловадан яулык бәйләү буенча остаханә булачак. Шулай ук милли ризыклар беләк чәй эчү дә булачак. Иң тәмле һәм үзенчәлекле итеп пешерелгән ризык өчен оештыручылардан сувенир-бүләк тә каралган.
Чара Түбән Новгород шәһәре, Кожевенный тыкрыгы 10/13 йортының 4 офисында узачак. Башлану вакыты 16:30 сәгатьтә.
Кызыклы яңалыкларны күзәтеп бару өчен Телеграм-каналга язылыгыз