Дин 25 июль 2018 16:39

Түбән Новгородның Җәмигъ мәчете хакында документаль фильм төшерелгән

Түбән Новгородның Җәмигъ мәчете тарихы "Тау башындагы гыйбадәтханә" фильмында күрсәтеләчәк.

Скопировать ссылку

(Казан, 25 июль, "Татар-информ"). Түбән Новгородның Җәмигъ мәчете хакында документаль фильм төшерелгән. 100 елдан артык тарихы булган Аллаһ йортына багышланган тасма "Тау башындагы гыйбадәтханә" дип атала. Бу хакта Түбән Новогород мөхтәсибәте хәбәр итә.

Мәчеткә 1915 елның март аенда нигез салынган. Совет власте чорында ул ябыла һәм мәчет бинасында "ашыгыч ярдәм" станциясе урнаша. Төгәл 50 ел үткәннән соң мәчетне кабат мөселманнарга кайтаралар һәм ул яңадан үз функциясен үти башлый.

30 минутлык документаль фильмда мәчет тарихы хакында гына түгел, ә Түбән Новгород татарлары тарихы, әлеге мәчеткә нинди танылган шәхесләр йөрүе, мәчетнең тарихи һәйкәл булып танылуы һ.б. мәгълүматлар бирелә.

"Тау башындагы гыйбадәтханә"нең режиссеры - Эльдар Шәрипов, проект җитәкчесе - Россия Мөфтиләр шурасы рәисе урынбасары Рушан хәзрәт Аббясов.

#Түбән Новгород #мәчет

Сәхифәләр

Түбән Новгородның Җәмигъ мәчете хакында документаль фильм төшерелгән