Хәвеф-хәтәр 10 август 2018 21:28

Түбән Новгород журналистын үтерүдә шикләнелгән ир-атны тотканнар

Тикшерүчеләр журналистның үлеме аның профессиональ эшчәнлеге белән бәйле түгел, дип саный.

Скопировать ссылку

(Казан, 10 август, “Татар-информ”). "Түбән Новгород" телерадиокомпаниясе хезмәткәре Денис Суворовны үтергән дип шикләнгән ир-атны кулга алып, 23 сентябрьгә кадәр сак астында калдырдылар. Бу хакта "Интерфакс" хәбәр итә.

“Тикшерүче үтенече канәгатьләндерелгән. Гаепләнүче зат 23 сентябрьгә кадәр кулга алынган. Ул үз гаебен таныган”, - дип әйткән Россия Тикшерү комитетының төбәк буенча Тикшерү идарәсе вәкиле.

"Түбән Новгород" телерадиокомпаниясенең 27 яшьлек хезмәткәре Денис Суворовны 22 июль төнендә дусларыннан чыгып, өенә кайтып барганда үтергәннәр иде. Россия Тикшерү комитеты РФ Җинаять Кодексының “Үтерү” маддәсе буенча җинаять эше кузгатты.

9 августта үтерүдә шикләнелгән 28 яшьлек ир-ат тоткарланган. Тикшерү мәгълүматлары буенча, 22 июльдә ул журналистның башына кирпеч белән бер сәбәпсез суккан, аннары җинаять урыныннан качкан.

Тикшерүчеләр журналистның үлеме аның профессиональ эшчәнлеге белән бәйле түгел, дип саный.

#җинаять #журналистны үтергән

Сәхифәләр

Түбән Новгород журналистын үтерүдә шикләнелгән ир-атны тотканнар