news_header_bot_970_100
Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Новгород татарлары "Әниемнең җылы кочагы" кичәсендә калфак чигәргә өйрәнәчәк
Чарага заманча һәм матур татар образында киенеп килүчегә оештыручылар бүләкләр вәгъдә итә.
Скопировать ссылку
(Казан, 12 апрель, "Татар-информ"). Түбән Новгородта уздырылачак "Әниемнең җылы кочагы" әдәби-музыкаль кичәсендә катнашучылар калфак чигәргә өйрәнәчәк. Бу хакта Түбән Новгород татарлары милли-мәдәни оешмалары сайты яза.
Чара 21 апрель көнне Түбән Новгород татарлары милли-мәдәни автономиясе каршындагы "Ак калфак" хатын-кызлар оешмасы тарафыннан үткәрелә.
Кичәдә катнашу өчен өс киемендә милли бизәк булу шарт. Ә иң заманча һәм матур татар образында киенеп килүчегә оештыручылар бүләкләр вәгъдә итә.
"Әниемнең җылы кочагы" программасы барышында милли ризыклар, Тәнзилә Смелова һәм Рәисә Якупова картиналары күргәзмәләре һ.б. эшләячәк.
Кичәнең төп өлешендә Түбән Новгород татарларының иң танылган ун хатын-кызы белән танышу планлаштырыла. Шулай ук музыкаль номерлар, милли бизәкләр белән эшләнелгән мөселман хатын-кызлары киемнәрен күрсәтү күздә тотыла.
Кызыклы яңалыкларны күзәтеп бару өчен Телеграм-каналга язылыгыз
autoscroll_news_right_240_400_2