Түбән Новгород Сабан туенда Югары Ослан үзешчәннәре чыгыш ясаячак
Татарстаннан "Сәйдәш" бию ансамбле,"Веселые Волгари" эстрада ансамбле дә түбән новгородлыларга бәйрәм оештыруда катнашыр, дип көтелә.
Скопировать ссылку
(Казан, 24 июль, "Татар-информ"). Татарстанның Югары Ослан районы үзешчәннәре Түбән Новгород Сабан туенда чыгыш ясаячак. Моннан тыш, Татарстаннан "Сәйдәш" бию ансамбле, "Веселые Волгари" эстрада ансамбле дә түбән новгородлыларга бәйрәм оештыруда катнашыр, дип көтелә. Бу хакта "Нижгарлар" төбәк татар милли-мәдәни автономиясе хәбәр итә.
28 июль көнне Түбән Новгородның 1 нче май паркында үткәреләчәк Сабан туенда ике мәйдан эшләячәк. Аның беренчесендә концерт программалары күрсәтелсә, икенчесендә спорт ярышлары үтәчәк.
