Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Түбән Каманың Халык иҗаты йортында татар фильмнарын күрсәтүче кинозал ачылачак
Халык иҗаты йорты Россиянең кино фондыннан кинозал оештырырга грант отты.
(Казан, 3 гыйнвар, "Татар-информ"). Татарстанның Түбән Кама шәһәрендәге Халык иҗаты йортында тиздән кинотеатр ачылачак. 3D фильмнар күрсәтәчәк кинозалда татар телендә фильмнар, совет чорының ретро-фильмнары, Россия һәм чит ил әсәрләре тәкъдим ителәчәк, дип хәбәр итә шәһәр хакимиятенең матбугат хезмәте.
Бу Түбән Камада өченче 3D кинотеатр булачак. Аның өчен Халык иҗаты йорты Россиянең кино фондыннан “500 меңгәчә халкы булган төбәкләрдә милли фильмнарны күрсәтүче кинотеатрга шартлар тудыру өчен ярдәм итү” грантын отты. Бу эшкә 5 миллион сум акча бирелде, яңа кинозалда 200 тамашачыга урын булачак. Әлеге проект 2017 елда тормышка ашырылачак, биредәге киносеансларга билет хаклары башка кинотеатрлардан юньрәк торачак.
Кызыклы яңалыкларны күзәтеп бару өчен Телеграм-каналга язылыгыз