Түбән Камада зебрада яшүсмер кызны җиңел машина бәрдергән
Авариядә 15 яшьлек кызның башы бәрелгән һәм аягы җәрәхәтләнгән.
Скопировать ссылку
(Казан, 18 гыйнвар, «Татар-информ», Полина Шевчук). Түбән Камада җиңел машина җәяүлеләр кичүеннән чыгып килүче яшүсмер кызны бәрдергән.
Авария бүген иртәнге сәгать сигездә Сөембикә урамындагы 42нче йорт каршында булган, дип сөйләделәр «Татар-информ»га Түбән Кама Дәүләт автоинспекциясенең пропаганда бүлегендә.
Ачыкланганча, «Лада»ның 33 яшьлек шоферы җәяүлеләр кичүендә 15 яшьлек кызга юл бирмәгән һәм аны бәрдергән.
Нәтиҗәдә, яшүсмернең башы бәрелгән һәм аяклары җәрәхәтләнгән. Балалар шәһәр хастаханәсе табиблары караганнан соң кызны өенә кайтарып җибәргән.
