Түбән Камада тракторчы ут капкан җиңел машинаны коткарырга тырышкан

Кичә көндез шәһәр ишегалларының берсендә булган вакыйганың видеосы чыкты.

Скопировать ссылку

(Казан, 7 апрель, “Татар-информ”). Социаль челтәрләрдә тракторчының яна торган җиңел машинаны коткарырга тырышканы төшкән видео чыкты.

Башлангыч мәгълүматлар буенча, гадәттән тыш хәл кичә көндез Түбән Кама шәһәре ишегалларының берсендә булган.

Видеоязма кадрларыннан күренгәнчә, трактор йөртүчесе чүмеченә кар җыеп, ут капкан автомобильгә сибеп, сүндермәкче була.

Янгын машинаның электрүткәргече төзек булмау аркасында чыккан булырга мөмкин.

#янгын