Дин 26 декабрь 2016 07:16

Түбән Камада Татарстан мөфтиенең Коръән-хафизлыкка багышланган китабы тәкъдим ителә

Шәһәрнең Җәмигъ мәчетендә “Коръән - яшәү рәвеше” дип аталган кичә уздырырга әзерләнәләр.

Скопировать ссылку

(Казан, 26 декабрь, “Татар-информ”) Татарстанның Түбән Кама шәһәрендә мөслимәләр 30 декабрьдә Җәмигъ мәчетендә “Коръән - яшәү рәвеше” дип аталган кичә уздырырга әзерләнә, дип хәбәр итә республиканың Диния нәзарәте матбугат хезмәте. Кичәдә Татарстан мөфтие Камил хәзрәт Сәмигуллинның “Һәркем Коръән-хафиз була ала” - "Каждый может стать Коран хафизом” дигән китабын тәкъдим итәргә ниятләнелә. Бу китап Диния нәзарәтенең "Хузур" нәшриятында дөнья күргән иде.

“Мөфтинең “Һәркем Коръән-хафиз була ала” китабына аерым кичә багышларга телибез. Коръән-хафиз булу мөселманнарның хыялы. Бу китапта вәгазь сөйләгәндә бөтен нигез бар. Коръән уку фәзыйләтләре дә язылган. Хәтта ничек укырга киңәшләр бар”, - дип искәртә кичәне оештыручы мөгаллимә Галия ханым Сафина.

Кичәне дәвамлы итеп, аның киләсесен гыйнвар башында уздырырга планлаштыралар.

#Түбән Кама #Камил Сәмигуллин #Коръән-хафиз

Сәхифәләр

Түбән Камада Татарстан мөфтиенең Коръән-хафизлыкка багышланган китабы тәкъдим ителә