Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камада ташландык төзелеш урынында балалар бакчасы барлыкка киләчәк
2019 ел уртасында шәһәрдә өч йөз урынга исәпләнгән яңа балалар бакчасы ачылачак.
(Казан, 14 декабрь, "Татар-информ"). 2019 елда Түбән Каманың 35нче микрорайонында ташландык төзелеш урынында төзеләчәк яңа балалар бакчасы барлыкка киләчәк, дип хәбәр итә «НТР 24».
Узган ел ук бина сүтелә башлаган, әмма ул вакытта балалар бакчасы төзелеше турында билгеле булмаган. Бүген төзелеп бетмәгән бина урынында төзелеш эшләре бара.
Тиздән, 2019 ел уртасында, биредә өч йөз урынга исәпләнгән яңа балалар бакчасы ачылачак. Балалар бакчасының исеме һәм аның номеры әлегә билгесез.
35нче микрорайонда яшәүчеләр өчен бу вакыйга бик шатлыклы булачак, чөнки ата-аналар балаларны башка районнар бакчаларына йөртергә мәҗбүр.
Яңа мәктәпкәчә белем бирү учреждениесе барлыкка килү белән аның янәшәсендәге территория дә төзекләндереләчәк. Киләсе елның апрелендә ишегалды эчендәге юлларны ремонтлау башланачак, алар хәзер начар хәлдә.
Кызыклы яңалыкларны күзәтеп бару өчен Телеграм-каналга язылыгыз