Түбән Камада тарихи фотографияләр күргәзмәсе ТАССРның 100 еллыгына багышланган
Фотолар арасында революциягә кадәр төшерелгән уникаль кадрлар да бар.
Скопировать ссылку
(Казан, 19 гыйнвар, «Татар-информ»). Түбән Кама хакимият йорты фойесында тарихи фотографияләр күргәзмәсе ачылды. Күргәзмә ТАССРның 100 еллыгына багышланган. Фоторәсемнәрне шәһәр архивы тәкъдим итте. Бу турыда Түбән Кама муниципаль районы рәсми сайтында хәбәр ителә.
Без Ширәмәт (хәзерге Түбән Кама) районына багышланган фоторәсемнәрнең бер өлешен сезнең игътибарга да тәкъдим итәргә булдык. Алар арасында революциягә кадәр төшерелгән уникаль кадрлар да бар.