Түбән Камада «Россия чаңгы юллары» ярышларында 5 меңнән артык кеше катнашты
Иң яшь катнашучыга 9 яшь, иң өлкәненә 86 яшь иде.
Скопировать ссылку
(Казан, 16 февраль, «Татар-информ»). Түбән Кама «Россия чаңгы юллары-2021» бөтенроссия акциясенә кушылды. «Түбән Кама чаңгы юллары-2021» массакүләм ярышлары «Батыр» спорт комплексы янындагы урманда узды.
Ярышта 5 меңнән артык кеше катнашты. Иң яшь катнашучылар 9 яшьлек Шамил Сафин һәм 11 яшьлек Дәлия Шутова, ә иң өлкән катнашучылар 86 яшьлек Александр Сафеев һәм 72 яшьлек Валентина Кудряшова иде.Бу туырда Түбән Кама муниципаль районы рәсми сайтында хәбәр ителә.
Чаңгы ярышында җиңүчеләр һәм призерлар бүләкләнде.