Түбән Камада «Мерседес» автомобиле бәрдергән 6 яшьлек малай үлгән
Юл һәлакәте Корабельная урамындагы 26нчы йорт каршында булган.
Скопировать ссылку
(Казан, 10 август, «Татар-информ»). Түбән Камада «Мерседес» автомобиле 6 яшьлек малайны бәрдергән. Бала алган җәрәхәтләрдән шунда ук үлгән. Бу хакта НТР 24 хәбәр итә.
Юл һәлакәте Корабельная урамындагы 26нчы йорт каршында килеп чыккан.
Башлангыч мәгълүматларга караганда, бала урамда үзе генә булган. Хәзерге вакытта хокук сакчылары малайның машиналар агылып торган юлда өлкәннәрдән башка нишләп йөргәнен ачыклый.
