Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камада мамонт калдыкларын эзләү дәвам итә
Волонтерлар табылдык сөякләрне мародерлардан саклау белән мәшгуль
(Казан, 9 сентябрь, “Татар-информ”, Роза Исмәгыйлова). Түбән Кама энтузиастлары беркемнән дә ярдәм көтмичә, мамонт калдыклары табылган җирдә эзләнүләрне дәвам иттерделәр, дип хәбәр итә Түбән Кама телерадиокомпаниясе.
Табылган һәрбер яңа фрагмент бу әйберне үзләрендә истәлеккә калдырырга теләү нияте көчле булганнарны да арттыра. Шуңа да волонтерларга эзләнү эшләре алып барыла торган җирләрне сакларга да туры килә.
Күптән түгел мамонт калдыкларын өйрәнүгә исә балалар һәм яшүсмерләр иҗат үзәге каршындагы “Черный Единорог” тарихи җәмгыяте алынган. Аларга бик актив рәвештә мамонт калдыкларына беренчеләрдән булып тап булган экскаваторщик та ярдәм итә. Казу эшләре инде дүрт көн дәвам итә. Әмма әлегә чаклы мамонтның җир астында ни рәвешле урнашкан булуы һәм экскаватордан күпме күләмдә зыян күргәнлеге билгеле түгел. Аннан соң күпме тирәнлектә казырга кирәклеге дә билгеле түгел. 2 метрдан алып 7 метрга чаклы булыр дигән фаразлар гына бар.
Мамонт калдыклары белән инде кызыксынучылар да юк түгел. Мисал өчен, Казан университетының геология музее белгечләре. Казу эшләре алып барылган җиргә исә Санкт-Петербург шәһәреннән журналистлар килде.
Кызыклы яңалыкларны күзәтеп бару өчен Телеграм-каналга язылыгыз