Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Камада мәктәп укучысы сыйныфташының күзенә аткан
Хокук сакчылары әйтүенчә, алар арасында низаг булмаган, фаҗига очраклы рәвештә килеп чыккан.
(Казан, 13 февраль, «Татар-информ»). Түбән Кама мәктәпләренең берсендә белем алучы тугызынчы сыйныф укучысы пневматик пистолеттан сыйныфташының күзенә аткан, дип хәбәр иттеләр «Татар-информ» мәгълүмат агентлыгына Россия Эчке эшләр министрлыгының Түбән Кама буенча матбугат хезмәтендә.
Билгеле булганча, яшүсмер күптән түгел травматик пистолет сатып алган. Әтисе улында күргән коралны алып яшереп куйган. Әмма улы пистолетны тапкан һәм саклар өчен иптәшенә биргән.
Шимбә, 11 февральдә, әлеге иптәше пистолетны хуҗасына бирү өчен мәктәпкә алып килгән. Биргәндә ул аның корылган икәнен әйтергә оныткан.
Сәгать көндезге беренче яртыларда, дәрес бетәргә берничә минут кала укытучы сыйныф бүлмәсеннән чыккан. Пистолет хуҗасы коралны сумкасыннан алып аның белән селтәнеп, уйнап йөргән. Һәм уйламастан чакмасына баскан, пуля аның уң ягында утырган сыйныфташы күзенә эләккән. Мәктәпкә ашыгыч ярдәм килеп, зыян күрүчене хастаханәгә алып киткән.. Хәзер ул Казанда республика клиник хастаханәсендә дәвалана. Суд-медицина экспертизасы билгеләнгән.
Россия Эчке эшләр министрлыгының Түбән Кама буенча матбугат хезмәте хәбәр итүенчә, сыйныфташлар арасында бернинди низаг булмаган. Әлеге хәл фаҗигале очраклылык нәтиҗәсе.
Шуңа да карамастан, үсмер дәвалангач, аның сәламәтлегенә килгән зыянга карап, атучыга карата процессуаль карар кабул ителәчәк.
Кызыклы яңалыкларны күзәтеп бару өчен Телеграм-каналга язылыгыз