news_header_top_970_100
news_header_bot_970_100

Түбән Камада Өлкәннәр көнен билгеләп үтәләр

Әлеге дата кысаларында шәһәр һәм районда меңнән артык чара узачак

(Түбән Кама, 29 сентябрь, “Татар–информ”, Сергей Толмацкий). Түбән Камада Өлкәннәр көненә багышланган чаралар башланды.
Бүген һәм иртәгә олы яшьтәге түбәнкамалыларга шәһәрнең 19 чәчтарашханәсендә хезмәт күрсәтәчәкләр. Шулай ук бу көннәрдә пенсионерлар үзәк мунчада бушлай юына ала. Өлкәннәр көнен бәйрәм итү кысаларында Түбән Кама муниципаль районы территориясендә меңнән артык чара узачак.
1 октябрьдә пенсионерларны уку йортларында көтәләр, анда алар өчен табын әзерләнәчәк, концертлар узачак. Быел Өлкәннәр көнен билгеләп үтү өчен җирле бюджеттан 1,5 миллион сум акча бүлеп бирелгән. Шәһәр һәм районда яшәүче пенсионерларның барысына да кадер–хөрмәт күрсәтеләчәк. Социаль яклау бүлеге мәгълүматларына караганда, шәһәр һәм районда 63 мең өлкән яшьтәге кеше исәпләнә, аларның дүртесе 100 яшьтән узган.




news_right_column_1_240_400
news_right_column_2_240_400
news_bot_970_100