Түбән Камада өлкән буын вәкилләренә ярдәм йөзеннән, "Игелек кәрзине" акциясе оештырыла
Акциядә катнашу өчен, өлкән яшьтәге ялгыз кешеләргә бүләкләр әзерләп, редакциягә китерергә кирәк.
(Казан, 20 март, "Татар-информ"). Түбән Камада өлкән буын вәкилләренә ярдәм йөзеннән, "Игелек кәрзине" акциясе оештырыла. Бу турыда Түбән Кама муниципаль районы рәсми сайтында хәбәр ителә.
Акциянең максаты - ялгыз яшәүче әби-бабайларга җәмәгатьчелек игътибарын юнәлтү, өлкәннәргә матди һәм рухи ярдәм күрсәтү.
Акциядә катнашу өчен, өлкән яшьтәге ялгыз кешеләргә бүләкләр әзерләп, редакциягә китерергә кирәк. Азык-төлек тә, көнкүреш куллану товарлары да кабул ителә.
"Нижнекамская правда" газетасы хезмәткәрләре "Шәфкатьлелек" үзәгеннән алынган исемлек нигезендә, әлеге күчтәнәчләрне ияләренә илтеп тапшырачак.
Бүләкләр түбәндәге адрес буенча кабул ителә: Химиклар пр., 64а, НТР бинасы (1нче кат).