Түбән Камада «Лада» җәяүлене бәрдергәннән соң йөк машинасына килеп бәрелгән
Авыр тән җәрәхәтләре алган мәктәп укучысын җирле хастаханәгә озатканнар.
Скопировать ссылку
(Казан, 15 февраль, «Татар-информ»). Түбән Камада җиңел автомобиль башта мәктәп укучысын бәрдергән, шуннан соң юл читендә туктап торган йөк машинасына килеп сыланган.
Түбән Кама Дәүләт автоинспекциясенең пропаганда бүлегеннән «Татар-информ» агентлыгына хәбәр итүләренчә, кичен Бызов урамында 7нче модельле «Лада» автомобиленең йөртүчесе тиешсез урында юл аркылы чыккан 10 яшьлек малайны бәрдергән. Шуннан соң каршы як полосага чыгып, юл читендә туктап торган «КАМАЗ» автомобиленә килеп сыланган.
Юл һәлакәтендә авыр тән җәрәхәтләре алган мәктәп укучысын җирле хастаханәгә озатканнар.
