Түбән Камада иясез хайваннар мәсьәләсе буенча фикер алышу үтәчәк
Сөйләшүдә шәһәр хакимияте вәкилләре дә катнашачак.
Скопировать ссылку
(Казан, 29 июнь, "Татар-информ"). Түбән Каманың "Ковер" яшьләр үзәгендә шәһәрдә иясез хайваннар проблемасына багышланган сөйләшү узачак. Бу турыда Түбән Кама муниципаль районы рәсми сайтында хәбәр ителә.
Оештыручылар әлеге хәлгә битараф булмаган һәркемне әлеге очрашуда катнашып, үз фикерләрен җиткерергә чакыралар. Сөйләшүдә шәһәр хакимияте вәкилләре дә катнашачак.
Утырыш 1 июль көнне 18.00 сәгатьтә башлана.