Җәмгыять 18 март 2010 16:18

Түбән Камада “Җиңү салюты” фестивале дәвам итә

Салих Сәйдәшев исемендәге музыка көллияте сәхнәсендә Бөек Ватан сугышы турындагы иң яхшы постановканы ачыкладылар

Скопировать ссылку

(Түбән Кама, 18 март, “Татар-информ”, Сергей Толмацкий). Түбән Камада “Җиңү салюты” Бөтенроссия халык иҗаты фестиваленең чираттагы этабы узды.
Өченче турда комптентлы жюри әгъзалары иң яхшы театраль постановканы ачыклады. Тематик конкурска Бөек Ватан сугышы темасына багышланган берничә дистә постановка тәкъдим ителгән иде. Иң югары балл алган һәвәскәр актерлар Гала-концертта чыгыш ясаячак. 29 апрельдә Халык иҗаты йорты сәхнәсендә фестивальнең барлык этаплары лауреатлары җыелачак.
Бөек Ватан сугышында Җиңүнең 65 еллыгына багышланган Бөтенроссия халык иҗаты конкурсы Түбән Камада агымдагы елның февралендә башланды. Бүгенге көндә аның өч туры узды инде – патриотик җырларны иң яхшы башкаручылар һәм сәнгатьле итеп шигырь укучыларны, иң яхшы театраль постановкаларны ачыкладылар. Соңгы этапта иң оста гармунчылар билгеле булачак.

Сәхифәләр

Түбән Камада “Җиңү салюты” фестивале дәвам итә