Спорт 31 октябрь 2009 16:35

Түбән Камада җиңел атлетика ярышлары узды

Николай Лемаев истәлегенә багышланган ярышларда Татарстанның барлык шәһәр–районнарыннан килгән спортчылар катнашты

Скопировать ссылку

(Түбән Кама, 31 октябрь, “Татар–информ”, Сергей Толмацкий). Бүген Түбән Камада шәһәрнең мактаулы гражданины Николай Лемаев истәлегенә багышланган IX традицион җиңел атлетика ярышлары узды. Ярышларга аның исемен йөртүче мәйданда старт бирелде. Өлкәннәр – 15, балалар 7 чакрым арага йөгерде.
Ярышларда Татарстанның барлык шәһәр–районнарыннан килгән 100 гә якын спортчы катнашты. Шәхси зачетларда җиңү яулаган 18 кешегә Мактау грамоталары тапшырылды. Ярышлар вакытында дәүләт автоинспекциясе хезмәткәрләре, иминлекне тәэмин итү максатыннан, шәһәр үзәген тулысынча диярлек япты.

Сәхифәләр

Түбән Камада җиңел атлетика ярышлары узды