news_header_top_970_100
news_header_bot_970_100

Түбән Камада бер атнада юл-транспорт һәлакәтләрендә 13 кеше зыян күргән

Зыян күрүчеләрнең берсе алган тән җәрәхәтләреннән хастаханәдә үлгән

(Түбән Кама, 2 ноябрь, «Татар-информ», Сергей Толмацкий). Узган атнада Түбән Камада 11 җитди юл-транспорт һәлакәте теркәлгән, 13 кеше зыян күргән. Шундый һәлакәтләрнең берсендә яшь ир-ат үлгән.
Кама Аланында яшәүче 25 яшьлек егетнең фаҗигале үлеме белән бәйле юл һәлакәте пәнҗешәмбе Чистай трассасында теркәлгән. Кичен Олы Афанас авылының сөт фермасы каршында “КАМАЗ” һәм “ВАЗ-211440” машиналары бәрелешкән. “ВАЗ-211440” автомобиле йөртүчесе алынган тән җәрәхәтләреннән үлгән, аның машинасында булган 3 дусты хастаханәгә озатылган.
Моннан тыш, узган атнада Түбән Камада 4 җәяүле зыян күргән. Юл-транспорт һәлакәте килеп чыгуда алар үзләре гаепле, дип хәбәр итә Түбән Кама ЮХИДИнең пропаганда бүлеге. Шулай ук узган 7 көндә дәүләт автоинспекторлары шәһәр һәм район юлларында автотранспорт белән исерек килеш идарә иткән 27 шоферны тоткарлаган, шул кадәр үк машина штрафстоянкага куелган.

news_right_column_1_240_400
news_right_column_2_240_400
news_bot_970_100