Түбән Камада балалар һәм яшүсмерләр клубы ачылды
Бәйрәм ахырында аларның һәркайсына татлы сый - туңдырма тараттылар.
(Казан, 9 июль, "Татар-информ"). Кичә Түбән Каманың 12 нче микрорайонында Капиталь ремонттан соң "Клевер" балалар һәм яшүсмерләр клубы ачылды. Бу турыда Түбән Кама муниципаль районы рәсми сайтында хәбәр ителә.
Бу көнне биредә экология-биология үзәге белгечләре күп балалы гаиләләр белән берлектә клубка керү юлында чәчәкләр утыртты, 5 нче китапханә хезмәткәрләре остаханәләр оештырды. Балалар өчен уен мәйданчыклары эшләде. Бәйрәм ахырында аларның һәркайсына татлы сый - туңдырма тараттылар.
Теләге булганнар әлеге үзәкне барып та карый алалар. "Клевер" клубы Кайманов урамының өченче йортында урнашкан.