Җәмгыять 11 февраль 2022 07:15

Түбән Кама ЗАГС идарәсе «матур даталар»да язылышу өчен урыннар сатылмавын әйтте

Бүгенге көндә Түбән Камада «тылсымлы» көннәрдә язылышыр өчен, җитмештән артык гариза бирелгән.

Скопировать ссылку

(Казан, 11 февраль, «Татар-информ»). Түбән Кама ЗАГС идарәсе җитәкчесе Гүзәлия Сәгыйтова социаль челтәрләрдә язылышу өчен «матур дата»га урыннар сатылу турында белдерүләргә ышанмаска чакыра. Бу хакта Түбән Кама муниципаль районы рәсми сайтында хәбәр ителә.

«Алдакчыларның хәйлә-мәкеренә бирешмәгез. Башка гариза бирүчеләргә датаны броньлап булмый, хәтта язылышудан баш тарткан очракта да, билгеләнгән вакытка кадәр дата әлеге пар өчен беркетелгән булып кала», — дип яза инстаграмда үз битендә Гүзәлия Сәгыйтова.

Сүз уңаеннан, 2022 ел «матур даталар»га бай, мисал өчен 22.02. 2022. Бүгенге көндә Түбән Камада «тылсымлы» көннәрдә язылышыр өчен, җитмештән артык гариза бирелгән.

Сәхифәләр

Түбән Кама ЗАГС идарәсе «матур даталар»да язылышу өчен урыннар сатылмавын әйтте