Түбән Кама янындагы юлда пошины машина бәрдергән
Машина йөртүче юл аркылы йөгереп чыгып барган хайванны абайлап өлгермәгән.
Скопировать ссылку
(Казан, 28 сентябрь, «Татар-информ»). Түбән Кама шәһәре янындагы юлда бер машина пошины бәрдереп киткән. Юл һәлакәтен күргән кешеләр «Татар-информ» агентлыгына фотолар һәм видео җибәрде.
Авария мәйдан ягына илтә торган трассада булган.
Кадрларда пошиның юл аша йөгереп чыгып баруы күренә. Машина йөртүче аны абайлап өлгермәгән һәм поши тәгәрмәч астына килеп кергән.
Җәнлек исән калса да, зыян күргән булырга мөмкин. Авариядән соң ул юл читендә ятып калган.