Түбән Кама янында нефть цистернасын эчке яктан чистартучы эшче аңын югалткан
Гадәттән тыш хәл Зур Афанасовода нефть базасында булган.
(Казан, 24 июнь, «Татар-информ»). Түбән Кама шәһәре янында нефть цистернасын эчке яктан чистартучы эшче тыны бетеп, үлә язган. Аңа коткаручылар ярдәм иткән. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
«Бүген көндез 112 ашыгыч хезмәтләр чакыру номерына Зур Афанасово базасында нефть продуктлары салынган цистернаны эчке яктан чистартучы эшчене коткарганнар. Ул цистернаны чистартканда аңын югалткан", - дип сөйләделәр Гадәттән тыш хәлләр министрлыгында.
Коткаручылар килгәнче үк, эшчеләр 34 яшьлек ир-атны цистернадан тартып чыгарган. Гадәттән тыш хәлләр министрлыгы хезмәткәрләре зыян күрүчене табибларга тапшырган.
Нефть базасы хезмәткәрләре цистернаны ике кеше – берсе тышкы яктан, икенчесе эчтән чистартканлыгын аңлаткан. Әлегә билгесез сәбәпләр аркасында, эчтәге эшче противогазын салган һәм аңын югалткан.
