news_header_top
16+
news_header_bot
news_top

Түбән Кама укучылары бизнес белән шөгыльләнә башлады

Түбән Каманың “Сигнал” мәктәп бизнес–компаниясендә катнашучылар шәһәрдә балалар юл–транспорт травматизмын кисәтүгә үз өлешен кертергә булды

(Түбән Кама, 6 март, “Татар–информ”, Сергей Толмацкий). Түбән Камадагы 2нче гимназия укучылары игелекле эш белән шөгыльләнә башлады. Өлкән сыйныф укучылары шәһәрдә балалар юл–транспорт травматизмын кисәтүгә үз өлешен кертергә булды.
“Сигнал” мәктәп бизнес–компаниясендә катнашучылар яктылыкны кире кайтаручы фликерлар ясарга кереште. Яшь эшкуарлар фикеренчә, аларның тауары шәһәрдәге юл–транспорт һәлакәтләренә бәйле вәзгыятькә сизелерлек йогынты ясый.
Яшүсмерләрнең идеясен Түбән Кама юл хәрәкәте иминлеге дәүләт инспекциясендә дә күтәреп алдылар. Якын көннәрдә дәүләт автоинспекторлары яшь эшкуарлар белән бергә шәһәр урамнары, иҗтимагый үзәкләрдә фликерларны бушлай тарату буенча акция үткәрергә ниятли.

news_right_1
news_right_2
news_bot