Мәдәният 24 ноябрь 2018 10:33

Түбән Кама шагыйрәсе 15 минутта шигырь язган һәм “Тылсымлы каләм” бәйгесендә җиңгән

Бәйгедә катнашучыларга билгеле темага 15 минутта ике дүртюллык язарга кушканнар.

Скопировать ссылку

(Казан, 24 ноябрь, “Татар-информ”). Түбән Кама шагыйрәсе Гөләндәм Галиева Чаллыда Үзәк китапханәдә узган “Тылсымлы каләм – Волшебное перо” төбәк әдәби бәйгесендә җиңгән. Бу турыда Татарстанның Түбән Кама районы матбугат хезмәте хәбәр итә.

Бәйгедә катнашучыларга билгеле темага 15 минутта ике дүртюллык язарга кушканнар.

Гөләндәм Галиева балачактан шигърият белән кызыксына, бишенче сыйныфтан шигырьләр яза. Хәзер ул җирле газетада татар редакциясе мөхәррире булып эшли.
Бәйге финалына бөтен Татарстаннан 35 кеше эләккән.

Түбән Кама балалар бакчасы методисты Нурзия Мирхазова “Проза” номинациясендә җиңгән. Укучылар Азат Апаяров, Алинә Галиуллина һәм Мәликә Усманова мактаулы урыннарны алганнар.

“Татар-информ” узган айда шагыйрәнең “Күңел тәлгәшләре” дигән икенче шигырьләр җыентыгы чыгуын хәбәр иткән иде.

#Түбән Кама #шигырь

Сәхифәләр

Түбән Кама шагыйрәсе 15 минутта шигырь язган һәм “Тылсымлы каләм” бәйгесендә җиңгән