Җәмгыять 16 июнь 2019 15:06

Түбән Кама Сабан туенда алдынгыларга дәүләт бүләкләре тапшырылды

Алты бала анасы Дарья Хуҗина “Ана даны” медаленә лаек булды.

Скопировать ссылку

(Казан, 16 июнь, “Татар-информ”). Түбән Кама мэры Айдар Метшин һәм Татарстан Президенты Аппараты җитәкчесенең беренче урынбасары Марат Моратов бүген Түбән Кама Сабан туенда шәһәр һәм районы халкына бүләкләр тапшырды. Бу хакта Түбән Кама районы администрациясенең матбугат хезмәте хәбәр итә.

УСК “Нефтехим” директоры Сергей Клипачевка Татарстанның “Фидакяр хезмәт өчен" медалые, алты бала анасы Дарья Хуҗинага “Ана даны” медале тапшырылды. ООО “Союз-Агро” кладовщигы Надежда Андрианова “Татарстан Республикасының атказанган авыл хуҗалыгы хезмәткәре” исеменә лаек булды.

Түбән Кама районының Мәдәният идарәсе җитәкчесе Гүзәл Мөбәрәкшиина, Балалар иҗат үзәге директоры Ульяна Князева һәм “Нардуган” ансамбле директоры Наил Мостафин Татарстан Президентының рәхмәт хатын, “Карамалы” агрофирмасы терлекчесе Елена Казакова һәм ООО “Союз-Агро” машина йөртүчесе Александр Демидов Татарстан Министрлар Кабинетының рәмәт хатын алды.

Түбән Кама Сабан туенда 2 меңнән артык артист тамашачыларга Гәрәй белән Айбикә тарихын тәкъдим итте.

#сабантуй

Сәхифәләр

Түбән Кама Сабан туенда алдынгыларга дәүләт бүләкләре тапшырылды