Түбән Кама районында "Нива" машинасы АЗС колонкасын аударган
Заправка пистолетын бензин багыннан чыгармыйча гына китеп барган машинаны видеога төшереп алганнар.
Скопировать ссылку
(Казан, 11 гыйнвар, "Татар-информ"). Татарстанның Түбән Кама районында "Нива" машинасы АЗС колонкасын тарттырып киткән. Бу турыда социаль челтәр кулланучылар хәбәр итә.
Вакыйга кичә көндез Кама Аланындагы автозаправка станциясендә була.
Видео кадрларыннан күренгәнчә, машина йөртүче автомобиленә бензин сала һәм бензин багыннан пистолетны чыгармыйча гына китеп бара. Нәтиҗәдә колонка ава һәм ватыла.