Түбән Кама районында кюветка төшкән машина йөртүчесе вафат булган
39 яшьлек “Лада” йөртүчесенең саклык каешы эләктерелмәгән булган.
Скопировать ссылку
(Казан, 27 сентябрь, "Татар-информ"). Түбән Кама районында юл кырыена очып төшкән машина йөртүчесе һәлак булган. Бу хакта Россия Эчке эшләр министрлыгының Татарстан буенча ЮХИДИ матбугат хезмәте хәбәр итә.
39 яшьлек 9нчы модельле “Лада” йөртүчесе тизлекне арттырган һәм юл кырыена төшеп киткән. Алган җәрәхәтләрдән ир-ат урында ук үлгән. Машина йөртүчесе саклык каешын эләктермәгән булган.
