Түбән Кама районында исерек ир зур һәлакәт гаепчесе булган
Юл-транспорт һәлакәте нәтиҗәсендә өч автомобиль зыян күргән.
Скопировать ссылку
(Казан, 7 ноябрь, «Татар-информ»). Түбән Кама районында өч автомобиль катнашында юл-транспорт һәлакәте килеп чыккан. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итә.
Һәлакәт Түбән Кама – Чистай автоюлында килеп чыккан. 45 яшьлек исерек ир 14нче модель «Лада» машинасында каршы як полосага чыгып, 32 яшьлек ир-атның 14нче модель «Лада»сы белән бәрелешкән һәм шуннан соң 29 яшьлек ир-ат идарә итүче «БМВ» автомобиленә килеп кергән.
Нәтиҗәдә, һәлакәт китереп чыгарган гаепле машина йөртүче ачык баш җәрәхәте алган, баш мие селкенгән.
