Җәмгыять 4 октябрь 2017 12:49

Түбән Кама районында бүген тагын бер яңа ФАП ачыла

Свердловец бистәсендәге ФАП 301 кешегә, шул исәптән – 38 бала һәм 263 олы кешегә хезмәт күрсәтәчәк.

Скопировать ссылку

(Казан, 4 октябрь, “Татар-информ”, Гөлнар Гарифуллина). Бүген Түбән Кама районы Кармалы авыл җирлеге Свердловец бистәсендә модульле фельдшер-акушерлык пункты ачыла. Тантанада Россия Дәүләт Думасы депутаты Айрат Фәррахов, Татарстан сәламәтлек саклау министры Гадел Вафин, Түбән Кама муниципаль районы башлыгы, Түбән Кама мэры Айдар Метшинның катнашуы көтелә.

ФАП “Татарстан Республикасы халкына беренчел медицина-санитар ярдәмен камилләштерү буенча программалар” нигезендә төзелгән. Бу – 2017 елның сентябренә республикада инде унынчы ФАП, дигән сүз.

2012-2017 елларда Түбән Кама районында 16 торак пунктта фельдшер-акушерлык пунктлары капиталь төзекләндерелгән, Балчыклы, Түбән Уратма, Каенлы, Түбә, Иске Чишмә, Сухарево, Поповка, Смыловка, Тетвель торак пунктларында 9 яңа ФАП төзелгән.

Свердловец бистәсендәге ФАП 301 кешегә, шул исәптән – 38 бала, 263 олы кешегә хезмәт күрсәтәчәк. Яңа ФАП төзелешенә республика бюджетыннан 2 миллион 740 мең сум акча бүлеп бирелгән.

Соңгы 6 ел эчендә Татарстанның төрле районнарында 395 модульле фельдшерлык-акушерлык пунктлары төзелгән. 2017 елда тагын 15не төзергә ниятлиләр.

#ФАП

Сәхифәләр

Түбән Кама районында бүген тагын бер яңа ФАП ачыла