Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Кама оешмалары «Хәтер бакчасы» халыкара акциясенә кушылды
Предприятие хезмәткәрләре Бөек Ватан сугышында Җиңүнең 76 еллыгы уңаеннан шул санда яшь наратлар утыртты.
(Казан, 7 май, «Татар-информ»). «Түбән Кама Нефтехим» ГАҖ җитәкчеләре, профсоюз һәм яшьләр активы «Хәтер бакчасы» халыкара акциясенә кушылды.
Предприятие хезмәткәрләре Бөек Ватан сугышында Җиңүнең 76 еллыгы уңаеннан шул санда яшь наратлар утыртты. Алар Сүбәләк трассасы буендагы нарат агачлары аллеясен дәвам иттеләр. Бу турыда Түбән Кама муниципаль районы рәсми сайтында хәбәр ителә.
Исегезгә төшерик, аллеягә узган елның 8 маенда нигез салынган иде. Бу көнне Бөек Ватан сугышында Җиңүнең 75 еллыгы уңаеннан 75 төп нарат утыртылды. Аларны ел дәвамында карап тордылар һәм барлык агачлар да әйбәт кенә үсеп китте. «Хәтер бакчасы» акциясе быел да дәвам итте.
Агачлар утыртуда генераль директор Айрат Сафин җитәкчелегендә компаниянең барлык директорлар корпусы катнашты. Компания җитәкчесе коллективның шәһәрне яшелләндерү буенча матур традицияне дәвам итүен, агачлар утыртуны Бөек бәйрәм — Җиңү көненә багышлавын билгеләп үтте.
Кызыклы яңалыкларны күзәтеп бару өчен Телеграм-каналга язылыгыз