news_header_top
16+
news_header_bot
news_top

“Түбән Кама Нефтехим” ААҖ – сыйфат өлкәсендә БДБ премиясе лауреаты

Мондый премия ике елга бер тапкыр тапшырыла

(Казан, 23 декабрь, “Татар–информ”). Бәйсе дәүләтләр берлегенең (БДБ) Икътисади советы карары нигезендә “Түбән Кама Нефтехим” ААҖ продукциянең һәм хезмәтләрнең сыйфаты өлкәсендәге казанышлары өчен 2009 елгы премия лауреаты булды.
Мондый премия ике елга бер тапкыр конкурс нигезендә продукция яки хезмәтләрнең сыйфаты, аның куркынычсызлыгын тәэмин итү, шулай ук сыйфат белән идарә итүдә югары нәтиҗә бирүче алымнар кертү өлкәсендә сизелерлек нәтиҗәләргә ирешкәннәре өчен БДБ илләре оешмаларына тапшырыла.
Узган ел компания продукциянең сыйфаты һәм югары нәтиҗә бирүче сыйфат менеджменты алымнарын кертү өлкәсендә сизелерлек нәтиҗәләргә ирешкәне өчен сыйфат өлкәсендә Россия Федерациясе Хөкүмәте премиясенә лаек булды, дип хәбәр итә “Түбән Кама Нефтехим” ААҖнең матбугат хезмәте.

news_right_1
news_right_2
news_bot