news_header_top
16+
news_header_bot
news_top

Түбән Кама мэры студентлар белән очрашты

Айдар Метшин “Муниципаль идарә” темасына лекция үткәрде һәм бүгенге көн яшьләрен борчыган кайбер темаларны кузгатты

(Түбән Кама, 17 март, “Татар-информ”, Сергей Толмацкий). Түбән Кама мэры вуз студентлары һәм өлкән сыйныф укучыларына лекция укыды. Лекция муниципаль идарә темасына багышланган иде. Айдар Метшин яшьләргә шәһәр һәм район белән идарә итү системасының ничек эшләве хакында сөйләде, укучыларны борчыган кайбер проблемаларга тукталды. Аерым алганда, мэр һәм студентлар югары уку йортын тәмамлаучыларны эшкә урнаштыру мәсьәләсен кузгатты.
Айдар Метшинның яшь активистлар белән мастер-классы “Йөзгә-йөз карап” дигән шәһәр проекты кысаларында узды, аның барышында сәясәтчеләр, эшкуарлар, эре предприятие җитәкчеләре һәм дин эшлеклеләре лекцияләр үткәрәчәк. Танылган һәм уңышка ирешкән кешеләрнең лекцияләре һәр җомгада икътисад, идарә итү һәм хокук институтында узачак. Чираттагы кунак – Кол Шәриф мәчете имам-хатыйбы Рамил хәзрәт Юныс.





news_right_1
news_right_2
news_bot