Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Кама җәмәгатьчелеге "Кама" лагеренең киләчәге турында фикер алышты
Фикер алышудан соң иң яхшы идеяләр бердәм концепциягә тупланачак һәм "Кама" эше өчен нигез булачак.
(Казан, 21 ноябрь, "Татар-информ"). Түбән Камада "Кама"ны модернизацияләү турында фикер алышу буенча стратегик сессия уза. Ике көн дәвамында катнашучыларга балалар лагеренең идеологиясе һәм эш концепциясе турында фикер алышырга кирәк булачак. Бу турыда Түбән Кама муниципаль районы рәсми сайтында хәбәр ителә.
2019 елда лагерьны капиталь ремонтның республика программасына керткәннәр иде. Район җитәкчелеге реконструкция белән бергә "Кама"ны үзгәртеп кенә калмыйча, заманча ял итү, белем бирү, балалар һәм ата-аналар өчен үсеш үзәге итеп, учреждение эшенә комплекслы якын килүне дә бурыч итеп куйды.
Стратегик сессиядә Түбән Кама халкы катнаша: сәламәтләндерү лагерьлары җитәкчеләре, педагоглар, балалар учреждениеләре хезмәткәрләре, яшьләр вәкилләре, волонтерлар, архитекторлар, проектлаучылар, шәһәр һәм район башкарма комитетлары башлыклары.
Моннан тыш, эшкә "Точка Пси" (Мәскәү) мәгарифтә психологик-педагогик инновацияләрнең ресурс үзәге белгечләре кураторлык итә. Фикер алышудан соң иң яхшы идеяләр бердәм концепциягә тупланачак һәм "Кама" эше өчен нигез булачак.
Лагерь территориясендә беренче этап кысаларында төзелеш эшләре тәмамланган диярлек. Корпусларда эчке эшләр бара, җылылык җибәрелгән. Ял итү өчен шартлар тудырылган. Ашханә, административ бина әзер, кышкы чорда чаңгы, тимераяк прокаты ачылачак.
Киләчәктә Каракүл күлендәге пирсны торгызу, шулай ук "Кама"ны экосукмаклар белән күрше "Зәңгәр күл" лагере белән тоташтыру планлаштырыла.
Кызыклы яңалыкларны күзәтеп бару өчен Телеграм-каналга язылыгыз