Түбән Кама икмәк комбинаты эш урыннары тәкъдим итә
Оешма уку, соңыннан эшкә урнашу мөмкинлеге дә бирә.
(Казан, 14 июль, "Татар-информ"). 18 июль көнне Түбән Кама халыкны эш белән тәэмин итү үзәге "Түбән Кама икмәк комбинаты" ҖЧҖ өчен эш бирүче көне үткәрә. Бу турыда Түбән Кама муниципаль районы рәсми сайтында хәбәр ителә.
Эш бирүче көнендә махсус белеме һәм бу өлкәдә тәҗрибәсе булмаган кандидатуралар да карала. Оешма уку, соңыннан эшкә урнашу мөмкинлеге дә бирә. "Түбән Кама икмәк комбинаты" ҖЧҖ түбәндәге вакансияләр тәкъдим итә: контроль-үткәрү пункты хезмәткәре, азык-төлек продукциясе җитештерү җиһазларын көйләүче, автотранспорт цехы диспетчеры, кондитер, пешекче, автомобиль йөртүче һ.б.
Очрашу 10.00 сәгатьтә башлана. Белешмә өчен телефон: 8 (8555) 42-68-00.