Җәмгыять 13 ноябрь 2009 12:27

Түбән Кама хирурглары нефтьчеләрдән бүләк алды

Үзәк хастаханәнең хирургия бүлеген җиһазлау өчен 5 миллион сум сарыф ителәчәк

Скопировать ссылку

(Түбән Кама, 13 ноябрь, «Татар-информ», Сергей Толмацкий). Түбән Кама Үзәк хастаханәсе Татарстан нефтьчеләреннән җитди финанс ярдәм алды. “Татнефть” компаниясе хирургия бүлеген җиһазлау өчен 5 миллион сум акча бүлеп биргән.
“Бу акчага медицина җиһазлары сатып алабыз. Хирургия өлкәсе заманчалашу сәбәпле, җиһазларны яңарту зарур”, - диде шәһәрнең баш хирургы Идрис Вәлитов. Түбән Кама табиблары беренче чиратта заманча операция өстәлләре, шулай ук яңа хирургия инструментлары сатып алырга ниятли. Нефтьчеләрнең матди ярдәме ел ахырына кадәр үзләштереләчәк.

Сәхифәләр

Түбән Кама хирурглары нефтьчеләрдән бүләк алды