Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Түбән Кама автопаркы 24 транспорт чарасына артыр дип көтелә
Түбән Кама районы Башкарма комитеты җитәкчесе Рамил Муллин Түбән Камадагы транспорт проблемасын хәл итү өчен федераль хакимияткә мөрәҗәгать иткән.
(Казан, 23 ноябрь, «Татар-информ», Эльза Кузнецова). Түбән Кама автопаркы 24 транспорт чарасына артыр дип көтелә. Түбән Кама районы Башкарма комитеты җитәкчесе Рамил Муллин Түбән Камадагы транспорт проблемасын хәл итү өчен федераль хакимияткә мөрәҗәгать иткән. Бу хакта ул үзенең Инстарам аккаунтында хәбәр итә.
«Миңа мөрәҗәгать иткәндә еш кына җәмгыять транспорты мәсьәләсен күтәрәләр. Үзем һәм шәһәр өчен дә әлеге проблеманы хәл итү проиоритетлы булып тора», — ди ул.
Җитәкче Мәскәүдә Транспорт министрлыгында берничә очрашуда булуын сөйли. «Без анда лизингка 24 транспорт чарасы алу мөмкинлеге турында сөйләштек. Түбән Кама аны алыр дип өметләнәм», — дигән ул.
Элегрәк Түбән Кама районы Башкарма комитетында шәһәр өчен мөһим булган транспорт проблемасы чишелеше әйтелгән иде. Башкарма комитет җитәкчесе урынбасары Ленар Әхмәтов сүзләренчә, маршрут челтәрен оптимальләштерү, автобусларда кондукторсыз түләү системасы һәм диспетчерлык үзәге әлеге мәсьәләне хәл итәргә тиеш.
Элегрәк, Рамил Муллин коммуналь хезмәткәрләрне Түбән Кама юлларындагы чистартылмаган кар өчен тәнкыйтьләгән иде.
Кызыклы яңалыкларны күзәтеп бару өчен Телеграм-каналга язылыгыз