Түбән Кама архивында сканер ярдәмендә шәһәр газеталарын цифрлаштыру эшенә керештеләр
Күчермәләр интернетка урнаштырылгач, «Ленинская правда» һәм «Туган як» газеталарының тәүге саннары белән танышу тагын да җиңеләер дип көтелә.
Скопировать ссылку
(Казан, 17 гыйнвар, «Татар-информ»). Түбән Кама архивында сканер ярдәмендә тәүге шәһәр газеталарын цифрлаштыру эшенә керештеләр. Бу хакта Түбән Кама районы матбугат хезмәте хәбәр итә.
Хәзер үк архивның уку залына килгән кешеләр сканердан чыгарылган газеталар белән эшли алачак. Күчермәләр интернетка урнаштырылгач, «Ленинская правда» һәм «Туган як» газеталарының тәүге саннары белән танышу тагын да җиңеләер дип көтелә. Белгечләр алдында 20 меңнән артык газета битен цифрлаштыру бурычы тора.
