Түбән Кама архивы сугыш елларындагы документлардан виртуаль күргәзмә әзерләгән
үргәзмәдә рәсми хатлар һәм боерыклар, фронт хәбәрләре, беркетмәләр, газета материаллары урын алган.
(Казан, 8 май, "Татар-информ"). Бөек Җиңүнең 74 еллыгына Түбән Кама архивы сугыш елларындагы документлардан махсус виртуаль күргәзмә әзерләгән. Күргәзмәдә рәсми хатлар һәм боерыклар, фронт хәбәрләре, беркетмәләр, газета материаллары урын алган. Бу турыда Түбән Кама муниципаль районы рәсми сайтында хәбәр ителә.
"Түбән Кама муниципаль районы архивында Бөек Ватан сугышы еллары турындагы документларның кыйммәте бәяләп бетергесез. Бу - халык байлыгы, үткәннәрне искә алу. Бу - безнең зур тарихыбызның бер өлеше, - диләр архив хезмәткәрләре. – Күргәзмәдә тәкъдим ителгән документлар, нигездә, хезмәт фронты турында. Алар безгә үткәннәргә әйләнеп карарга мөмкинлек бирә".