Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Төбәк радиостанцияләренә мобиль кушымта булдыру киңәш ителде
Айдар Сәлимгәрәев бүген барлык җирле радиостанцияләр актив рәвештә социаль челтәрләрдә тәкъдим ителгәнен әйтте.
(Казан, 31 гыйнвар, «Татар-информ», Гөлнар Гарифуллина). Төбәк радиостанцияләренә үз мобиль кушымталарын булдыруга игътибар бирү кирәк. Бу хакта бүген «Татмедиа» Республика матбугат һәм массакүләм коммуникацияләр агентлыгы коллегиясе утырышында ведомство җитәкчесе Айдар Сәлимгәрәев әйтте.
«Бүген шәһәр һәм район радиостанцияләрен Интернет челтәрендә тыңлау мөмкинлеге бар, ләкин барысының да мобиль кушымталары юк. Медиаскоп тикшеренүләре күрсәткәнчә, соңгы өч елда мобиль кушымталардан файдаланучылар саны 22 процентка арткан. Шул ук вакытта компьютер аша куллану 3 процентка кимегән. Төбәк радиостанцияләренә мобиль кушымталар эшләүгә игътибар юнәлтү кирәк», — диде Айдар Сәлимгәрәев.
Ул бүген барлык җирле радиостанцияләр актив рәвештә социаль челтәрләрдә тәкъдим ителгәнен әйтте. Язылучылар саны буенча «Татар радиосы» алдынгы бара. Икенче урында «Бим радио», өченче урында «Болгар радиосы».
Республика шәһәр-районнарында яңалыклар «Татмедиа» җәмгыятенең 11 радиостанциясендә чыга. Холдинг радиостанцияләренең потенциаль аудиториясе 2,5 миллион тыңлаучыдан тора. Атналык тапшыруларның 97 проценты татар телендә.
Кызыклы яңалыкларны күзәтеп бару өчен Телеграм-каналга язылыгыз