Спорт 23 октябрь 2018 11:52

Сызраньда Рәшит Нәҗметдинов исемендәге шахмат ярышлары була

Рәшит Нәҗметдинов шахмат буенча халыкара мастер һәм шашка буенча СССРның спорт остасы да булган дөньядагы бердәнбер спортчы.

Скопировать ссылку

(Казан, 23 октябрь, «Татар-информ»). Сызрань шәһәре татарлары автономиясе Рәшит Нәҗметдинов исемендәге Кубокка шахматчылар турниры үткәрә. Бу хакта «Самара татарлары» сайты хәбәр итә.

Шахмат турниры 27 октябрьдә Сызрань шәһәр округы Иҗат һәм яшьләр сараенда узачак. Башлана 12.30 сәгатьтә.

Рәшит Нәҗметдинов бер үк вакытта шахмат буенча халыкара мастер һәм шашка буенча СССРның спорт остасы да булган дөньядагы бердәнбер спортчы.

Турнир Сызрань шәһәренең яшь спортчылары өчен традициягә әверелгән. Катнашучылар саны елдан-ел арта бара.

Быел Сызрань шәһәр округы Иҗат һәм яшьләр сараенда Рәшит Нәҗметдинов исемендәге почмак та оештырганнар.

#рәшит нәҗметдинов #шахмат

Сәхифәләр

Сызраньда Рәшит Нәҗметдинов исемендәге шахмат ярышлары була