Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Швыдкой Миңнехановны Камал театрының яңа бинасы ачылу белән котлады
Россия Президентының Халыкара мәдәният хезмәттәшлеге буенча махсус вәкиле Михаил Швыдкой Татарстан Рәисе Рөстәм Миңнехановны Г. Камал исемендәге татар театрының яңа бинасы ачылу белән котлады.
«Галиәсгар Камал исемендәге татар дәүләт академия театрының яңа бинасы ачылу уңаеннан ихлас котлауларымны кабул итегез», – диелә телеграммада.
Швыдкой театрның яңа бинасы «Татарстанның искиткеч башкаласының чын бизәге булыр» дигән ышаныч белдергән.
Шулай ук ул Миңнехановка республика һәм аның халкы иминлеге өчен хезмәтендә уңышлар теләгән.
Искәртеп үтик, театрның яңа бинасы 20 гыйнварда ачылды. Аны Миңнеханов һәм Россиянең мәдәният министры Ольга Любимова карады. Россия Мәдәния министрлыгы башлыгы яңа бинаны зәркән бизәге белән чагыштырды. Соңрак Россиянең Театр әһелләре берлеге рәисе Владимир Машков яңа Камал театрында «Алтын битлек» премияләрен тапшыру тантанасы узачагын хәбәр итте.
Кызыклы яңалыкларны күзәтеп бару өчен Телеграм-каналга язылыгыз