Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Светлана Вәлиуллина һәм Шамил Тарпищевка «Ел якташы» премиясе бирелде
Профессор, балаларга кичектергесез хирургия һәм травматология фәнни-тикшеренү институты директорының беренче урынбасары, Татарстан Тулы вәкаләтле вәкиллеге каршында оештырылган Табиблар клубы әгъзасы Светлана Вәлиуллина һәм Россия Теннис федерациясе президенты, теннисчы һәм тренер, Совет һәм Россия спорты эшлеклесе Шамил Тарпищев «Ел якташы» IV премиясенә лаек булды.
Бүләкләү тантанасы Мәскәү Сәүдә-сәнәгать палатасында узды. Татарстан Республикасының Россия Федерациясендәге Тулы вәкаләтле вәкиллеге шул турыда хәбәр итә.
Бу бүләк Мәскәүгә башка төбәктән күченгән кешеләргә төрле өлкәләрдәге казанышлары өчен бирелә.
Татарстан Республикасының Вәкаләтле вәкиллеген һәм Мәскәүдәге Татарстан якташларын тәкъдим итү нигезендә Светлана Вәлиуллина «Ел якташы» премиясенең «Медицина» номинациясендә, Шамил Тарпищев «Спорт» номинациясендә лауреат булды.
Шамил Тарпищев эшчәнлек дәверендә күп кенә талантлы спортчылар, шул исәптән Евгений Кафельников, Марат Сафин һәм Мария Шәрәпованы тәрбияләгән, Россия җыелма командасын дөньядагы иң көчлеләрнең берсе итте.
Чарада Татарстанның Тулы вәкаләтле вәкиле урынбасары Эмиль Фәйзуллин һәм Фикус Мортазина катнашты.
Премияне Якташларның эшлекле клублары советы һәм Мәскәү сәүдә-сәнәгать палатасының Якташларның эшлекле клублары хезмәттәшлеген үстерү комитеты гамәлгә куя.
Бүләкләү тантанасы Россия якташлар җәмгыятьләре арасында төбәкара хезмәттәшлекнең икенче форумы кысаларында узды. Форум Мәскәү шәһәренең милли сәясәт һәм төбәкара элемтәләр департаменты ярдәме белән үткәрелә.
Кызыклы яңалыкларны күзәтеп бару өчен Телеграм-каналга язылыгыз