Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Свердловск өлкәсендә «Әс Сәләм» мәчетен ачу тантанасы булды
Свердловск өлкәсе Арамиль шәһәрендә «Әс Сәләм» мәчетен ачу тантанасы булды. Анда Татарстанның Свердловск өлкәсендәге Даими вәкиллегенең әйдәп баручы белгеч-эксперты Регина Мансурова да катнашты.
«Әс-Сәлам» мәчете «Изге ил» мөселман оешмасы карамагында була. Мәчет нигезенә беренче ташны 2008 елның 26 сентябрендә салдылар. Мәчет 150 кешегә исәпләнгән. Бу хакта Бөтендөнья татар конгрессының матбугат хезмәте хәбәр итә.
Беренче катта ирләр залы, ә икенчесендә хатын-кызлар залы урнашкан. Арамиль шәһәрендә мәчетне битараф булмаган кешеләрнең һәм мәхәллә кешеләренең хәйрия акчасына, гади гражданнарның көче һәм хезмәте белән төзегәннәр.
Мәчетнең гомуми мәйданы 288 кв. м тәшкил итә. «Әс-Сәләм» мәчете 15 елга якын төзелде. Аның төзелешендә йөзләгән кеше катнашты.
Кызыклы яңалыкларны күзәтеп бару өчен Телеграм-каналга язылыгыз