17 февральдә 19.00 сәгатьтә Свердловск өлкәсендә Татарстан киносы көннәре кысаларында «Дом кино» кинотеатрының зур залында «Тарлан» фильмы күрсәтеләчәк. Татарстан Республикасының Свердловск өлкәсендәге Даими вәкиллеге шул турыда хәбәр итә.
Галимҗан Ибраһимовның «Алмачуар» («Чубарый») хикәясе мотивлары буенча төшерелгән авыл малае һәм колын дуслыгы турындагы фильм Татарстан белән Казахстанның беренче уртак проекты булып тора.
Фильм татар телендә рус субтитрлары белән күрсәтелә.
Адрес: «Дом кино» кинотеатры, Луначарский ур., 137нче йорт.
Билет бәясе – 150 сум. Билетларны онлайн һәм кинотеатр кассасында сатып алырга мөмкин.