Свердловск өлкәсе Аксакаллар шурасы рәисе Рәис Нуриманов вафат
Свердловск өлкәсе Аксакаллар шурасы рәисе Рәис Нуриманов 95 яшендә вафат булган. Бу хакта «Областная газета»га «Свердловск өлкәсе мөселманнары Диния нәзарәте Үзәк дини оешмасы (Үзәк мөфтият) рәисе мөфти Абдул-Куддусс Ашарин хәбәр иткән.
«Рәис Нуримановны 20 ел белә идем. 2013 елда ул мөфти буларак, мөселманнарны дөрес юлга бастырырга актив ярдәм итте. Ул шулай ук мигрантлар, җирле халыклар, татарлар һәм башкалар белән эшне оештырды. Ул чиста күңелле, ихлас кеше иде, һәрвакыт актив тормыш позициясе алып барды һәм мөселманнар өчен бик күп яхшы эш башкарды», — дигән Абдул Куддусс Ашарин.
Рәис Нуриманов 1929 елның 1 апрелендә Татарстан АССРның Тыннамас авылында имамнар гаиләсендә туа. Аның тормыш юлы Свердловск өлкәсе белән бәйле, анда ул 30 елдан артык төбәкнең азык-төлек сәнәгате идарәсендә төрле җитәкче вазифаларында нәтиҗәле хезмәт куйган.
Моннан тыш, Рәис Нуриманов Урта Уралда мөселман җәмгыятенең дини тормышын торгызу башлангычында торган. 1995 елның 27 апреленнән Свердловск өлкәсе Аксакаллар шурасы рәисе була, өлкә шәһәрләрендә һәм районнарында күп мәчетләр төзүдә зур ярдәм күрсәткән.